ਗੁਵਾਹਾਟੀ ਵਿੱਚ ਸਿਰਫ਼ 6 ਮਹੀਨੇ ਪਹਿਲਾਂ ਵਿਆਹੀ ਪਤਨੀ ਦਾ ਬੇਰਹਿਮੀ ਨਾਲ ਕਤਲ, ਪਤੀ ਫ਼ਰਾਰ

Reporter 12
07 Sep, 2026 15:46

ਖ਼ਬਰ

ਗੁਵਾਹਾਟੀ (ਅਸਾਮ): ਅਸਾਮ ਦੇ ਗੁਵਾਹਾਟੀ ਤੋਂ ਇੱਕ ਦਿਲ ਕੰਬਾਊ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਵਿਆਹ ਦੇ ਮਹਿਜ਼ ਕੁਝ ਮਹੀਨਿਆਂ ਬਾਅਦ ਹੀ ਇੱਕ ਪਤੀ ਨੇ ਆਪਣੀ ਪਤਨੀ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ। ਜਾਣਕਾਰੀ ਮੁਤਾਬਕ, 25 ਸਾਲਾ ਰਿਆ ਤਾਲੁਕਦਾਰ ਦਾ ਕਤਲ ਉਸਦੇ ਪਤੀ ਰਾਮਾਨੁਜਨ ਗੋਸਵਾਮੀ ਨੇ ਕੀਤਾ। ਕਤਲ ਤੋਂ ਬਾਅਦ ਦੋਸ਼ੀ ਪਤੀ ਨੇ ਪਤਨੀ ਦੇ ਸਿਰ ਨੂੰ ਧੜ ਨਾਲੋਂ ਵੱਖ ਕਰ ਦਿੱਤਾ ਅਤੇ ਉਸਦੇ ਦੋਵਾਂ ਹੱਥਾਂ ਦੀਆਂ ਉਂਗਲੀਆਂ ਵੀ ਕੱਟ ਦਿੱਤੀਆਂ। ਇਸ ਘਿਨਾਉਣੀ ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਉਹ ਮੌਕੇ ਤੋਂ ਫ਼ਰਾਰ ਹੋ ਗਿਆ।

ਇਸ ਮਾਮਲੇ ਦਾ ਖੁਲਾਸਾ ਐਤਵਾਰ ਨੂੰ ਹੋਇਆ, ਜਦੋਂ ਗੁਆਂਢੀਆਂ ਨੂੰ ਉਨ੍ਹਾਂ ਦੇ ਫਲੈਟ ਵਿੱਚੋਂ ਤੇਜ਼ ਬਦਬੂ ਆਉਣ ਲੱਗੀ। ਗੁਆਂਢੀਆਂ ਵੱਲੋਂ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਗਈ, ਜਿਸ ਤੋਂ ਬਾਅਦ ਪੁਲਿਸ ਅਪਾਰਟਮੈਂਟ ਵਿੱਚ ਪਹੁੰਚੀ। ਜਦੋਂ ਪੁਲਿਸ ਨੇ ਫਲੈਟ ਦਾ ਤਾਲਾ ਤੋੜ ਕੇ ਤਲਾਸ਼ੀ ਲਈ, ਤਾਂ ਕਮਰੇ ਵਿੱਚ ਔਰਤ ਦਾ ਧੜ ਮਿਲਿਆ। ਹੋਰ ਜਾਂਚ ਕਰਨ 'ਤੇ ਫਰਿੱਜ ਵਿੱਚੋਂ ਔਰਤ ਦਾ ਸਿਰ ਮਿਲਿਆ। ਮ੍ਰਿਤਕਾ ਦੇ ਹੱਥਾਂ ਦੀਆਂ ਉਂਗਲੀਆਂ ਵੀ ਅੱਧੀ ਕੱਟੀ ਹੋਈ ਹਾਲਤ ਵਿੱਚ ਸੀ ਅਤੇ ਸਰੀਰ ਸੜਨਾ ਸ਼ੁਰੂ ਹੋ ਗਿਆ ਸੀ।

ਮ੍ਰਿਤਕਾ ਦੀ ਪਛਾਣ ਰਿਆ ਤਾਲੁਕਦਾਰ ਵਜੋਂ ਹੋਈ ਹੈ, ਜਿਸਦਾ ਵਿਆਹ ਕਰੀਬ 6 ਮਹੀਨੇ ਪਹਿਲਾਂ ਗੁਵਾਹਾਟੀ ਦੇ ਹਾਟੀਗਾਂਵ ਇਲਾਕੇ ਦੇ ਰਹਿਣ ਵਾਲੇ ਰਾਮਾਨੁਜਨ ਗੋਸਵਾਮੀ ਨਾਲ ਹੋਇਆ ਸੀ। ਦੋਵੇਂ ਇੱਕ ਫਲੈਟ ਵਿੱਚ ਕਿਰਾਏ 'ਤੇ ਰਹਿੰਦੇ ਸਨ। ਰਿਆ ਫੈਂਸੀ ਬਾਜ਼ਾਰ ਦੇ ਏਸੀ ਮਾਰਕੀਟ ਇਲਾਕੇ ਵਿੱਚ ਸਥਿਤ ਇੱਕ ਬੁਟੀਕ ਵਿੱਚ ਕੰਮ ਕਰਦੀ ਸੀ। ਉਸਦੇ ਮਾਤਾ-ਪਿਤਾ ਨਹੀਂ ਸਨ ਅਤੇ ਪਰਿਵਾਰ ਵਿੱਚ ਸਿਰਫ਼ ਇੱਕ ਭਰਾ ਹੈ, ਜਿਸਨੂੰ ਇਸ ਘਟਨਾ ਦੀ ਸੂਚਨਾ ਦੇ ਦਿੱਤੀ ਗਈ ਹੈ। ਦੂਜੇ ਪਾਸੇ, ਰਾਮਾਨੁਜਨ ਕੈਬ ਚਲਾਉਂਦਾ ਹੈ ਅਤੇ ਉਸਦਾ ਜੱਦੀ ਘਰ ਗੌਰੀਪੁਰ ਵਿੱਚ ਦੱਸਿਆ ਜਾ ਰਿਹਾ ਹੈ।

ਪੁਲਿਸ ਨੇ ਇਸ ਮਾਮਲੇ ਵਿੱਚ ਕੇਸ ਦਰਜ ਕਰ ਲਿਆ ਹੈ ਅਤੇ ਫ਼ਰਾਰ ਪਤੀ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਵੱਲੋਂ ਰਾਮਾਨੁਜਨ ਦੇ ਜੱਦੀ ਘਰ ਗੌਰੀਪੁਰ ਵਿੱਚ ਵੀ ਛਾਪੇਮਾਰੀ ਕੀਤੀ ਗਈ, ਪਰ ਹਾਲੇ ਤੱਕ ਉਸਦਾ ਕੋਈ ਸੁਰਾਗ ਨਹੀਂ ਮਿਲਿਆ ਹੈ। ਰਾਮਾਨੁਜਨ ਦਾ ਮੋਬਾਈਲ ਫ਼ੋਨ ਵੀ ਸਵਿੱਚ ਆਫ਼ ਹੈ। ਗੁਆਂਢੀਆਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ, ਐਤਵਾਰ ਨੂੰ ਰਿਆ ਅਤੇ ਉਸਦੇ ਪਤੀ ਵਿਚਕਾਰ ਕਿਸੇ ਗੱਲ ਨੂੰ ਲੈ ਕੇ ਤਿੱਖੀ ਬਹਿਸ ਹੋਈ ਸੀ, ਜਿਸ ਤੋਂ ਬਾਅਦ ਇਹ ਖ਼ੌਫ਼ਨਾਕ ਕਾਂਡ ਵਾਪਰਿਆ। ਲਾਸ਼ ਨੂੰ ਪੋਸਟਮਾਰਟਮ ਲਈ ਗੁਵਾਹਾਟੀ ਮੈਡੀਕਲ ਕਾਲਜ ਐਂਡ ਹੌਸਪੀਟਲ (GMCH) ਭੇਜ ਦਿੱਤਾ ਗਿਆ ਹੈ। ਪੋਸਟਮਾਰਟਮ ਰਿਪੋਰਟ ਅਤੇ ਜਾਂਚ ਤੋਂ ਬਾਅਦ ਕਤਲ ਦੀ ਵਜ੍ਹਾ ਬਾਰੇ ਹੋਰ ਜਾਣਕਾਰੀ ਸਾਹਮਣੇ ਆਉਣ ਦੀ ਉਮੀਦ ਹੈ।

A 25-year-old woman was brutally murdered by her husband in Guwahati, Assam, just six months after their marriage. The husband allegedly beheaded her and stored the head in a refrigerator before fleeing. Police are searching for the absconding husband.

ਹਿੰਦੀ: असम के गुवाहाटी में शादी के महज छह महीने बाद एक पति ने अपनी 25 वर्षीय पत्नी की बेरहमी से हत्या कर दी। आरोप है कि पति ने उसका सिर धड़ से अलग कर दिया और फ्रिज में रख दिया, फिर फरार हो गया। पुलिस फरार पति की तलाश कर रही है।

#Guwahati #Assam #Crime